40 проценти од болничките пациенти во Велика Британија се жалеле на бучавост особено навечер, покажало истражувањето на научници од Колеџот Кинг во Лондон. Освен на пациентите, бучавоста влијаела и на здравствените работници што може да ја редуцира нивната ефикасност и да ги зголеми шансите за појава на состојба на брнаут, предупредуваат истражувачите.
Според новите податоци, бучавоста во единиците на интензивна нега, вклучени во истражувањето, редовно преминувала граница од 100 децибели.
Оваа силна бучавост, според научниците може да допринесе за развој на т.н. психоза на интензивна нега, односно форма на делириум, која кај пацинетите често е проследена со анксиозност, параноја и халуцинации.
Бучавоста е познат ризик фактор за зголемување на стресот, поголема чувствителност на болка, хипертензија и потешкотии со менталното здравје.
