Посегнувањето по лекови против болка може да изгледа како добра идеја додека сте мамурни и собата се превртува околу вас, а главата се заканува да ви експлодира.
Но, судејќи според најновото истражување спроведено на Универзитетот Гринич, вистината е всушност едноставна – „Kлинот со клин се избива“.
Истражувачите од Универзитетот Гринич ги обединија резултатите од 18 студии, при што дојдоа до заклучок дека две кригли пиво го лекуваат мамурлакот поуспешно отколку парацетамолот, пишува „Independent“
„Резултатите покажуваат дека алкохолот го лекува мамурлакот подеднакво успешно како и аналгетиците, што, исто така, може да ја објасни злоупотребата на алкохол од луѓе кои живеат во константна болка“, велат истражувачите.
Сепак, останува нејасно дали алкохолот ја олеснува болката бидејќи ги затапува рецепторите за болка или поради тоа што едноставно го намалува нивото на анксиозност, па болката не изгледа толку страшно.
