Се чини, дека високите нивоа на витамин Д може да бидат поврзани со помал ризик од развој на некои видови на рак, укажува новата студија. Истражувањето спроведено во Јапонија сугерира дека витаминот Д може да биде особено ефикасен во заштита од рак на црниот дроб.
Околу 90 проценти од витаминот Д се произведува во нашето тело по изложување на сончева светлина, а само 10 проценти од витаминот Д се добива од храната. Најмногу витамин Д се наоѓа во рибиното масло и рибиното месо, потоа млеко и млечни производи, јајца, путер, житарки, квасец, црн дроб.
Околу 90 проценти од витаминот Д се произведува во нашето тело по изложување на сончева светлина, а само 10 проценти од витаминот Д се добива од храната
Резултатите од ова истражување покажаа дека луѓето кои имале највисоко ниво на витамин Д имале помал ризик од развој на рак во однос на оние луѓе со ниски нивоа на витамин Д, односно 22 отсто помал ризик од развој на карцином.
Сепак, треба да се напомене дека не е јасно дали дефицитот на витамин Д е одраз на лошо општо здравје или тој има директно влијание врз ризикот од рак, пишува BMJ, едно од најстарите медицински списанија во светот.
