Бидете внимателни – овие производи му штетат на црниот дроб

Кога е во прашање исхраната со самото одбегнување на одредени намирници можеме да сториме многу за здравјето на црниот дроб.

Црниот дроб е од клучна важност за нормално функционирање на мозокот, срцето и воопшто целиот организам. Тој ги елиминира токсините и отпадните материи од телото, но често со начинот на исхрана и живот, не му ја олеснуваме оваа битна задача. Кога е во прашање исхраната со самото одбегнување на одредени намирници можеме да сториме многу за здравјето на црниот дроб.

За почеток ограничете го внесот на алкохол –  добро е одвреме-навреме да се испие чаша црно вино со ручекот, но претераното консумирање алкохолни пијалаци навистина неповолно влијае врз здравјето на црниот дроб. Според препораките на стручњаците, жените не би требало да пијат повеќе од еден, а мажите повеќе од два алкохолни пијалаци на ден. Една чаша пијалак одговара на количество од 100 мл вино, 330 мл пиво (со 5 % алкохол) или 60 мл жесток алкохолен пијалак.

Намалете го внесот на сол – претераното консумирање солена храна дополнително ги влошува оштетувањата на црниот дроб. Наместо сол, користете комбинации на други зачини кои благодарение на антиоксидантите и антиинфламаторното дејство дури придонесуваат на здравјето на црниот дроб.

Одбегнувајте намирници кои содржат транс масти. Транс мастите, имено, го зголемуваат ризикот од неалкохолна масна болест на црниот дроб.

Дел од намирниците кои се одлични за црниот дроб: маслиново масло, зелка, јајца, лук, авокадо, брокула, ленено семе…

Шеќерот и производите од бело брашно, исто така, неповолно влијаат на здравјето на црниот дроб. Овие состојки доведуваат до нагло зголемување на нивото на глукоза и инсулин во крвта, кој потоа го следи нагло паѓање на овие вредности, што на долги патеки може да доведе до инсулинска резистенција. Вишокот шеќер во крвта тогаш црниот дроб го претвора во маст, која се складира во поткожното масно ткиво, но и во самиот црн дроб. На овој начин редовното консумирање на споменатите намирници може да доведе до развој на болести на замастен црн дроб.