Резултати од студија објавени во списанието Annals of the American Thoracic Society укажуваат на тоа дека кај пациентите кои се хоспитализирани поради КОВИД-19, стапката на смртност била двапати поголема отколку кај критично болните од грип.
КОВИД-19 често се споредува со грипот бидејќи и двете респираторни инфекции имаат слични карактеристики, можат поедноставено да се опишат како блага болест или како тешка респираторна инсуфициенција, во некои случаи и со смртен исход.
Но, американските научници спровеле студија која покажала дека меѓу пациентите хоспитализирани на одделите за интензвина нега поради КОВИД-19, смртноста била двапати поголема отколку кај критичните болни со грип и тоа во сооднос од 40 проценти спрема 19 проценти, независно од возраста на пациентот, полот, коморбидитетите и тежината на болеста.
Се верува дека ова е прва студија спроведена во САД со која директно се споредувани клиничките карактеристики на болеста, лабораториските резултати и здравствениот исход меѓу пациентите заболени од КОВИД-19 и од грип.
Главниот автор на истражувањето, д-р Натали Коб, пулмолог и стручњак за интензивна нега на Медицинскиот факултет во Вашингтон и нејзините колеги ја проучиле медицинската документација на 65 критично болни пациенти со КОВИД-19 и 74 со тешка форма на грип тип А или Б кои биле примени на одделот за интензивна нега во болницата во Вашингтон помеѓу 1. јануари 2019 и 15. април 2020.
Студијата покажала дека кај пациентите заболени од КОВИД-19, смртноста изнесувала 40 проценти во однос на 19 проценти кај пациентите со грип.
Притоа, првата група на одделот за интензивна нега останувала подолго – околу девет дена во однос на кртично болните од грип – четири дена.
Исто така, првата група (болни од КОВИД-19) била подолго приклучена на респиратор, на тие пациенти белите дробови полошо им функционирале и кај нив почесто се развивало тепко воспаление на белите дробови отколку кај критично болните пациент со грип.
“Разликата, која може да ја појасни и поголемата смртност, е во многу поголемата зачестеност на ARDS (синдром на акутен респираторен дистрес) меѓу критичните пациенти со КОВИД-19 во однос на критично болните со грип, а соодносот изнесува 63 проценти наспроти 26 проценти“, вели д-р Коб.
“Поради се наведеното, силно ги поттикнувам луѓето да се вакцинираат против грип, да се придржуваат на мерките за физичка дистанца и носат маски за да сите заедно го ограничиме ширењето на КОВИД-19“, порачува д-р Коб.
