Веќе е познато дека сексот има бројни предности за телесното здравје, бидејќи не само што согорува калории, туку го подобрува и имуниот систем и го продолжува животниот век. Освен ова, сексот е поврзан и со подобрувањето на когнитивното функционирање, вклучувајќи подобра меморија.
Но како сексот влијае на менталното здрвје? Ново истражување дава одговор на ова прашање.
Во истражувањето учествувале млади лица кои секојдневно известувале за своите сексуални активности и одговарале на прашања за менталното здравје, вклучувајќи го и она за моменталното ниво на позитивни и негативни состојби и расположение. Истражувачите притоа споредувале како сексуалната активност е поврзана со менталната состојба следниот ден. Тие откриле дека лицата кои имале полов однос, следниот ден информирале за позитивно расположение и подобро ментално здравје.
Исто така, научниците увиделе дека порастот на благосостојбата е привремен и трае само еден ден, односно дека самиот чин на сексот со познато или непознато лице, не го предвидел ментално расположение за следните неколку дена. Овие резултати се однесуваат еднакво на мажите и на жените, но поврзаноста на сексот и подобреното ментално здравје била посилна кај лицата кои имале полови односи со лица кои ги сакаат и со кои се во врска, отколку кај незадолжителниот секс.
