Националниот институт за ментално здравје во Америка направил истражување кое покажува колку од луѓето во Америка се соочуваат со депресија. Според информации до кои дошле научниците од Инситутот, 6,7% Американци секоја година се борат со депресија. Поради големиот број депресивни луѓе, чија продуктивност на работа заради нивната состојба, е намалена, американските компании губат годишно околу 80 милиони долари.
Најчести причини за депресија се генетски предиспозиции, проблемите во семејството и на работа.
Истражувањето покажало дека луѓето кои работат во јавен превоз, градежниот сектор и јавните услуги, се посклони кон депресија. Не е познато дали депресивните луѓе, бидејќи ги извршуваат овие работи страдаат до депресија, или бидејќи се склони кон оваа болест ги избираат овие професии.
Студијата која ја водел Лавсон Вулсин од Универзитетот во Синсинати е базирана на податоците од здравственото осигурување на 214.000 лица вработени во 55 различни сектори. Вулсин дошол до заклучок дека највисокиот степен на склоност кон депресија имаат луѓето кои се занимаваат со работа каде што постои честа интеракција со јавноста или со клиенти, каде постои можност за чести стресни ситуации, а физички активности речиси и да немаат.
Од депресија заболуваат и оние кои се вработени во производствената индустрија, медиумите, здравствените работници, правници, брокери, како и оние кои се занимаваат со квалитетот на животната средина.
