Француско истражување во кое учествувале над 74.000 испитанички, покажало дека жените кои патат од мигрена имаат значајно помал ризик од развој на дијабетес тип 2. Имено, кај нив е воочен 30% помал ризик од развој на овој тип на шеќерна болест.
Според мислењето на стручњаците овие резултати се изненадувачки со оглед дека мигрената е поврзана со инсулинската резистенција, метаболичка состојба која допринесува за развој на дијабетес тип 2.
Околу 18% од луѓето патат од мигрена, а младите жени во перименопауза се најизложени на тешки главоболки.
Мигрената е хрончна епизодна примарна главоболка. Симптомите траат од 4 до 72 часа и може да бидат многу силни. Болката често е еднострана, но не секогаш, пулсирачка, и со засилува со било каква физичка активност. Проследена е со автономни симптоми како мачнини, чувствителност на светло, звуци и мириси.
