Близината на домашните миленици го поправа расположението; покрај нив сме поведри и поопуштени, што не прави помалку подложни на стрес и болестите кои тој ги предизвикува. Интересно е дека членовите на семејствата кои имаат домашно милениче меѓусебно се поповрзани и многу полесно и побрзо ги решаваат конфликтите. Исто така милениците ја исполнуваат човековата потреба за допир, нежност, галење, што особено им недостасува на повозрасните и осамени луѓе.
После многу истражувања научниците дошле до заклучок дека предењето на мачките се разликува кога станува збор за уживање или, пак, за предупредување на сопственикот на одредена болест.
Истражувањето од австралискиот институт „Baker Medical Research“, кое опфатило околу 6000 испитаници, покажало дека луѓето кои чуваат миленици во просек имаат понизок притисок и понизок холестерол во крвта, па на тој начин се помалку изложени на ризик од инфаркт и останатите болести на срцето и крвните садови.
Лековитоста на предењето на мачките
При изборот на домашен миленик оние кои предност им даваат на мачките во однос на кучињата, го истакнуваат предењето на мачките. Навистина тој специфичен звук не само што смирува, туку и враќа во минатите времиња кога куќите без мачка и огниште не можеле да се замислат. Кога материјалните добра биле помали и имало повеќе психички мир, времето се чинело бескрајно долго – замислете сцена – во шпоретот гори огнот, во петролејките трепери пламенот, надвор врне снег, а мачката тивко преде…
Го намалуваат стресот
Вибрациите кои ги произведува мачката додека преде делуваат како седатив на човековиот нервен систем и така го смируваат. На тој начин се намалува секојдневната напнатост и нивото на стрес. Но предењето не е секогаш исто. После многу истражувања научниците дошле до заклучок дека тоа се разликува кога станува збор за уживање или, пак, за предупредување на сопственикот на одредена болест. Кога веќе ќе почувствуваат болест нивното предење ќе зависи и од самата болест, се наведува во една студија која се бави со овој феномен.
