Сакате мачки? Тоа е одлично за вашето здравје, велат експертите!

Разговорот со вашето домашно милениче придонесува за менталното и физичкото здравје

Сопствениците на домашни миленичиња знаат дека животните се одличен соговорник после напорниот работен ден, а се што бараат од вас е малку храна и место за спиење. Во таа насока се и најновите истражувања кои велат дека разговорот со вашата мачка е, всушност, пат до подобро здравје.

Според психологот и социјален работник Даниела Форши, разговорот со своето милениче не само што ќе создаде и одржи здрава поврзаност помеѓу вас и вашата мачка, туку ќе има и позитивно влијание врз вашето ментално здравје.

  • Форши за „Elite Daily“ открила дека самото поседување домашно милениче помага да се намали стресот, помага во борбата против депресијата, во намалување на крвниот притисок и превенција од срцеви болести

Таа додава дека, освен што не е во можност да ви одговори, врската помеѓу човекот и неговото милениче е иста како и помеѓу две лица.

Разговорот со вашето домашно милениче како со близок пријател или член на семејството придонесува за ментално и физичко здравје.

Сите сопственици на мачки знаат дека тие, исто така, добро го слушаат она што им го кажувате

Студијата на магазинот „Newswise“ во која било тестирано однесувањето во стресни ситуации на хипертензивни акционери покажало дека кучето или мачката можат да влијаат врз намалување крвниот притисок подобро и од ACE инхибитори, лекови кои вообичаено се користат при висок крвен притисок или хипертензија.

Според американскиот Центар за контрола и превенција на болести, врската меѓу луѓето и нивните миленичиња може да има многу предности, вклучувајќи и подобро вежбање, намалување на стресот, намалување на чувството на осаменост и крвниот притисок.

Но, сите сопственици на мачки знаат дека тие, исто така, добро го слушаат она што им го кажувате.

На крајот, треба да се нагласи дека во последното истражување сопствениците на кучиња и сопствениците на мачки не се разликувале битно во опишувањето на поврзаноста која ја имаат со своите домашни миленици.