Дијабетесот е поврзан со бројни компликации, како е бубрежната болест, но нова студија покажала дека лица во повозрасни години кои боледуваат од дијабетес тип 2, исто така имаат потешкотии со помнењето и со извршувањето на функциите како што се размислувањето и планирањето.
Од ова истражување, потенцираат стручњаците произлегува дека дијабетесот тип 2 влијае на функцијата на мозокот. Некои претходни истражувања покажаа дека шеќерната болест двојно го зголемува ризикот од појава на деменција.
Истовремено, со помош на снимка од магнетна резонанца се покажало дека пациентите со дијабетес на почетокот на студијата имале помал волумен на мозокот во споредба со лица кои немале шеќерна болест. Но, во тек на истражувањето не можело директно да се поврзе големината на мозокот со слабеење на помнењето и со извршните функции.
Се смета дека добрата рана и навремена контрола на сите ризик фактори за слабеење на когнитивните функции како што се шеќер во крвта, холестерол, телесна тежина и крвен притисок, во комбинација со редовна физичка активност е исклучително битна за зачувување на когнитивните функции.
