Истражувањето покажало дека нискиот притисок може да спречи развивање на Алцхајмеровата болест. Во истражувањето научниците вклучиле 9.000 лица на возраст од 50 години. Се покажало дека лицата кои во просек имаат понизок крвен притисок од 120, имаат за пет пати понизок ризик од заболување од Алцхајмерова болест и проблеми со помнењето. Околу 15% од испитаниците имале помал ризик од развој на деменција, се наведува во заклучоците.
Д-р Марија Карило, водечки научник при Асоцијацијата за Алцхајмерова болест истакнува дека ова сознание може да биде многу корисно за унапредување на квалитетот на живот на милиони лица ширум светот.
На испитаниците на кои “горниот“ притисок не им преминувал над 120, имале за 19% помал ризик од когнитивни промени кои предизвикуваат развој на деменција. Минатата година во САД е направена промена на дефиницијата за хипертнезија, односно намалена е вредноста за висок крвен притисок од дотогашните 140mmGH на 120mmGH.
И Националниот Институт за здравје и грижа во Велика Британија најави дека оваа година ќе одлучи дали и тие ќе ја воведат оваа промена, што би значело достапност на лековите за висок крвен притисок за дополнителни 14 милиони пациенти.
