Научниците од Универзитетот во Амстердам тврдат дека ниту најновиот коронавирус SARS-CoV-2, како и остантите од таа фамилија, не обезбедува подолг имунитет откако ќе се преболи болеста што тој ја предизвикува. Холандскиот научен тим нагласува дека следел вкупни 132 коронавирусни инфекции во текот на 35 години кај десетина пациенти кои се заразиле помеѓу вкупно три и 22 пати. Тие секој месец биле тестирани на четири сезонски послаби коронавируси кои обино предизвикуваат благи болести, слични на обична настинка.
Резултатот од истражувањето е дека имунитетот траел загрижувачки кратко. Веќе по само шест месеци, имунитетот им паднал за 50 проценти, по девет месеци за 75, а по четири години за 100 проценти. Накусо, лицата кои се излекувале од коронавирусот, би можеле повторно да се заразат од него по само половина година. Тоа, велат научниците, би можело целосно да ја елиминира важноста на теоријата за колективен имунитет.
Имено, нагласеното изложување на граѓаните на вирусот со цел да се стекне имунитет додека се чека на вакцина, очигледно не би ги дало очекуваните резултати ни кај КОВИД-19.
Холандските стручњаци нагласуваат дека тоа е причина повеќе и против т.н. пасош на имунутет кој се предлага во некои земји, а кој би бил гаранција дека неговиот сопственик е заштитен од болеста и дека не мора да се придржува до социјална дистанца, бидејќи не се плаши од нова зараза.
Тие велат дека сезонските коронвируси имаат многу малку допирни точки во своето делување, но, очигледно заеднички им е слабиот имунитет кој останува кај поединецот откако ќе ја преболи болеста, а истото важи и за SARS-CoV-2.
Оваа теорија ја поткрепува и неодамна објавената британска студија на Школата за тропска медицина и Универзитетот Сент Џорџ, која покажала дека дел од опоравените пациенти од КОВИД-19 имале стабилно ниво на антитела најмалку два месеци, но и дека некои од лицата на кои им бил потврден коронавирус, воопшто не ги развиле.
Заклучокот на научниците на оваа студија е дека е можно оние лица кои имале поблага форма на болеста не стекнуваат имунитет, а дека најголем имунолошки одговор ќе имаат оние пацинети кои се потешко болни и со поголемо вирусно оптоварување.
Не може со сигурност да асе утврди дали исто лице може да заболи повеќе пати во пократок период, но ни дека со првата зараза стекнало заштита.
Дека имунитеот по излекувањето од КОВИД-19 е под знак прашалник, потврдува и кинеска студија во која учествувале 37 пациенти со симптоми на КОВИД-19 и исто толку без симптоми. За жал, кај повеќе од 90 проценти од пациентите кои развиле антитела, забележан е нивен пад по само два месеци од појавата на болеста, со тоа што кај асимптоматските пациенти податоците биле уште полоши.
