Најновото истражување во кое учествуваа повеќе од 450 000 испитаници на возраст од 30 до 79 години покажа дека луѓето кои пијат врел чај или кафе имаат пет пати поголем ризик од рак на езофагусот, доколку покрај оваа навика, и пушат и пијат алкохол, пишува „Annals of Internal Medicine“.
Езофагусот е орган со форма на шуплива цевка со тенки ѕидови со просечна должина од 25 см. Езофагеалниот канцер е застапен со 5 отсто во вкупниот број на малигни заболувања во гастроинтестиналниот тракт, а на светско ниво е шеста по ред причина за смртност од канцер. Најчесто се јавува кај мажите, а шансите за развој се поголеми со зголемување на возраста.
Консумацијата на алкохол и пушење го зголемуваат ризикот од рак на езофагусот за 2,5 пати (доколку притоа не консумирате топол чај и кафе). Се смета дека врелиот чај и кафе ја оштетуваат слузницата на езофагусот, која потоа е поподложна на факторите на ризик за рак на езофагусот, како што се алкохолот и пушењето.
