Кафето за најголемиот дел од луѓето е најпопуларен топол пијалак во светот, нешто без кое не може ни да се замисли денот.
Веќе е докажано дека може да ве разбуди наутро, но ако додадете во него и нешто што се смета за најомилено благо во светот, вашата шолја кафе може да направи многу повеќе за вас. Поточно, ако додадете малку чоколадо во кафето, тоа може да ви помогне да го започнете денот помирно и подобро да се концентрирате на задачите кои се пред вас – ова го покажа една американска студија, заинтересирана за тоа како кафето влијае на „менталната енергија“.
Луѓето кои пиеле кафе со чоколадо имале побрзо време на реакција и повеќе точни одговори на зададените тестови. Исто така, резултатите покажале дека чоколадото ја намалува нервозата која ја предизвикува кофеинот.
