Истражување: Спиењето со звук од телевизор го старее мозокот

Многумина од нас се навикнати да се успиваат со звуци на телевизорот во позадина, што никако не е здраво. 

Таканаречената „бела бучава„ која ја произведуваат телевизорот, правосмукалката, вентилаторот или фенот за коса, влијаат на побрзо стареење, и иако помага да се замаскираат звуците од позадина, таа влијае на мозокот и примањето на нови информации.

Научниците откриле дека слушањето на бел шум, дури и кога не е гласен, го забрзува процесот на стареење на мозокот, така што уништува некои хемикалии кои служат за пренос на информации.

Расте бројот на докази кои покажуваат дека мозокот негативно реагира на случајни информации како што е белата бука, рекла Мона Атарха од Универзитетот Ајова.

Белиот шум им бил предложуван на пациенти за да го регулираат пореметувањето на спиењето, да се маскира чувството на зуење во ушите и да се ослободат од стресот. Зуењето се јавува кога мозокот на некои лица не е во состојба да обработи нови звуци кои ги слушаат. Ова се случува и кога е потребно подолго време некои звуци како такви да се препознаат. А, за сето ова е виновно распаѓањето на одредени хемикалии во мозокот кои се оштетуваат со текот на времето.

По експеримент направен над животни, експертите заклучиле дека слично може да се примени и на луѓето кои се изложени на ваков звук дури и од ниско безбедно ниво. Иако резултатите може да се сметаат за загрижувачки, потребни се уште истражувања како би се утврдило во која мера тој влијае на стареењето кај луѓето.

Ова предупредување доаѓа по свртување на вниманието на одредени научници дека слушањето гласна музика може да го оштети слухот кај младите луѓе. Според зборовите на стручњаците, гласната музика на која младите ги изложуваат ушите, има иста јачина како и звукот на авион кој полетува.

Безбедната висина на бучавост што човечкото уво може да ја слуша е висината од 85 децибели, додека таа која ја произведува авионот е 110 децибели.