Нова студија покажала дека бактерииите во главата од тушот може да биде причина за белодробни заболувања. Според истражувањето, болеста на белите дробови, нетуберкулозната микробактериска болест на белите дробови, може да биде предизвикана од вдишувањето на аеросоли – одреден вид на микробактерии.
Звучи необично, но додека безгрижно се туширате, бактериите кои се наоѓаат во тушот може да ви го уништат здравјето.
Стручњаците велат дека додека повеќето луѓе може да ги вдишат тие микробактерии и да не се разболат, ако ги нападнат белите дробови, тогаш може да резултира со воспаление или хронични проблеми со белите дробови. Симптомите вклучуваат краток здив, кашлица, замор, губење на килограми. Лекувањето со антибиотици најчесто помага, но третманот на ваквите инфекции може да трае и до 12 месеци.
Овие бактерии се прилично издржливи и нивното отстранување е многу тешко. Но, истражувачите велат дека во пластичните тушеви помалку се развиваат овие бактерии. Доколку имате метален туш, се што може да направите е да го чистите што почесто, а најдобро е да користите мешавина од алкохолен оцет и сода бикарбона. Ова, секако не значи дека треба да престанете да се туширате. Добро е да бидете свесни за потенцијалните ризици, но оваа болест е прилично ретка, а сите останати бактерии во тушот може да бидат уништени со често чистење.
