Резултатот од истражувањето е поразувачки за вегетаријанците без оглед на тоа што оние кои не јадат месо и водат сметка за здравиот начин на живот помалку пијат, помалку пушат и физички се поактивни од своите „месојадни“ колеги.
Студијата која ја спровел Медицинскиот факултет во Грац, Австрија, открила дека вегетаријанскиот начин на исхрана, кој се базира на низок внес на заситени масти и холестерол, а со поголем внес на овошје, зеленчук и интегрални производи, претставува поголем ризик од рак, алергии и ментални проблеми, како депресија и анксиозност. Во студијата се употребени податоци од студии на австриското здравство, чија цел било да се испитаат диететските навики и разлики во начинот на живот меѓу вегетаријанците и луѓето кои сакаат да јадат месо. Во истражувањето учествувале 1 320 испитаници меѓу кои 330 биле вегетаријанци, 330 од оние кои јадат месо, но, исто така, и доста овошје и зеленчук, 330 луѓе кои се хранат нормално, но внесуваат помалку месо и 330 кои јадат претежно месо.
Според оваа студија, вегетаријанците пијат помалку алкохол и имаат помал индекс на телесна маса, но сеедно имаат послабо физичко и ментално здравје. Но, истражувањето покажало дека ни оние испитаници кои јаделе месо, но не во големи количества, исто така, не можеле да се пофалат со особена здравствена кондиција затоа што не баш преферирале одење на лекар, како ни превентивни прегледи…Но дали наведеното има пресудно значење на нечие здравје, се уште не се утврдено?!
Многу претходни студии, пак, потврдиле дека од суштинско значење за здравјето се духовниот мир и органската рамнотежа. Тоа значи дека е важно секој од нас да го прифати својот внатрешен ритам и се да насочува според него. Живеењето кое не е во склад со тој ритам предизвикува стрес, кој е прекинувач за повеќето болести, како што наведуваат лекарите.
