Пет недели по вакцинирање со прва доза вакцина на Фајзер, Модерна и АстраЗенека, стапката на инфекции помеѓу возрасните лица од сите возрасни групи паднала за 80 проценти, покажало италијанско истражување чии резултати се објавени минатиот викенд.
Прво вакво истражување во европска зема за реланото влијание на имунизацијата, го спровеле научниците од Националниот институт за здравје и Министерството за здравје на Италија на 13,7 милиони жители вакцинирани во целата земја.
Научниците ги проучувале податоците од денот кога е започната вакцинацијата во Италија – 27 декември 2020., а студијата траела до 3. мај 2021.
Нивната анализа покажала дека ризикот од инфекција со вирусот SARS-CoV-2, како и од хоспитализација и смртен исход постапно се намалувал по првите две недели од примање на првата доза вакцина.
“35 ден од примање на првата доза вакцина, научниците воочија 80 отсто помалку случаи на зараза, 90 проценти помалку хоспитализации и 95 проценти помалку смртни случаи од последици од болеста КОВИД-19“, објави Институтот.
Оттаму истакнуваат дека ист образец е воочен и кај мажите и кај жените, без оглед на нивната возраст.
“Овие податоци одат во прилог на ефикасноста на кампањата за вакцинирање и потребата што поскоро да се постигне што поглема извакцинираност на населението, за повеќе да не се соочуваме со итни медицински состојби“, вели директорот на Институтот, Силвио Брусаферо.
Меѓу учесниците во истражувањето, имало 95 проценти на оние кои примиле две дози вакцина Фајзер и Модерна, а остатокот се однесувал на лиза вакцинирани со АстраЗенека вакцина, кои дотогаш се уште је немале примено втората доза.
