Доколку правилно се грижите за себе кога сте настинати, настинката не би требала да трае повеќе од две недели, но ако се однесувате неодговорно, оваа состојба може да потрае повеќе отколку што сте очекувале.
Ова се некои од вообичаените грешки кои може да ја влошат состојбата.
СЕ ПРЕПРАВАТЕ ДЕКА НЕ ВИ Е НИШТО
Лесно е да посакате да игнорирате шмркање и кивање – сепак, имате многу поважна работа од седење на кревет и нега. Лекарите се согласуваат дека ова е вообичаена грешка, бидејќи со игнорирањето, состојбата само може подолго да трае.
ЗЕМАТЕ АНТИБИОТИЦИ
Ако имате бактериска инфекција, антибиотиците се потребни. Вирусите не реагираат на антибиотици, а ако ги пиете кога не ви се потребни, може да создадете отпорност, па нема да ви помогнат кога ќе ви бидат потребни. Значи, ако во прашање е само настинка, помогнете си со препарати кои се наменети за лекување на вирусните заболувања.
ГО ИГНОРИРАТЕ ЧУВСТВОТО НА ЗАМОР
Не сте умислиле дека ви е потребно повеќе одмор и сон кога сте нападнати од настинка или грип, а заморот најмногу ќе го почувствувате ако ве мачи температура. Сонот му помага на телото да се опорави и полесно да се бори против инфекции.
ЦИГАРИ
Сигурно на сите им е јасно дека димот од цигари само ќе ги влоши симптомите за грип и настинка. Избегнувајте цигари и простории во кои се пуши.
ИЗБЕГНУВАТЕ ФИЗИЧКА АКТИВНОСТ
За време на контролирано вежбање, имунолошките клетки подобро циркулираат во телото, па многу побрзо ги откриваат и ги убиваат бактериите и вирусите. Ако не сте во состојба да вежбате, половина час шетање ќе ви помогне да проработи циркулацијта, што пак ќе му помогне на телото да се брани.
Ако сте настинати, а се чувствувате способни да ги направите вежбите, сторете го тоа, на начин што ќе вежбате умерено, пократко, но почесто, на пример секој ден, што е подобро отколку интензивно вежбање од два до три пати во неделата.
