Доколку до сега сте мислеле дека покривањето на носот и устата кога кашлате или кивате претставува само добар манир, да знаете дека цело време сте живееле во заблуда. Имено, оваа навика претставува и важна мерка за борба против епидемии на заразни болести, бидејќи со кивањето, организмот се ослободува од бактерии и вируси.
Кивањето започнува во нервите, а нервниот систем го поседуваме сите, но бидејќи неговата сложеност е различна кај секој човек, така и сигналите кои патуваат до него, одат преку различни „канали„ и затоа се и различни типовите на кивање.
Кивањето е важна ставка во имуниот систем, му помага на организмот да остане здрав чистејќи го носот од вируси и бактерии.
Кога, од некоја причина ќе се раздвижи центарот за кивање во мозокот, тој праќа сигнали дека устата, очите и грлото мора да се стегнат. После тоа, градните мускули нагло се затегаат, а се опуштаат оние во грлото – така изгледа кивањето при кое воздухот, заедно со слузта излегува од устата и грлото.
- Кивањето се одвива со неверојатна брзина од околу 150км на час, и од телото во воздухот се исфрла околу 100.000 бацили.
- Кубењето на веѓите е тригер за кивањето. Кога со пинцетата ќе повлечете едно влакно, може да ги иритирате нервите на лицето, и како резултат на тоа да почнете да кивате.
- Во сон не кивате. Кога спиете и вашите нерви,кои го предизвикуваат кивањето, исто така спијат.
- Вежбањето може да поттикне кивање. Кога сме во „погон„, телото се хипервентилира, при што доаѓа до сушење на устата и носната шуплина. Носот реагира така што почнува да капе, а вие поради тоа кивате.
- Поставен е рекорд во кивање: 978 дена кивање е рекорд која го поставила Дона Грифитс од Велика Британија.
- Погледнете во сонце и кивнете. Силната светлина на кивањето влијае кај едно од три лица. Се работи за чувствителност на светлина, што всушност е наследна карактеристика.
- Знаете ли кое животно најмногу кива? Игуаната. Ова животно кива повеќе од сите други, а тоа го прави да се ослободи од одреден вид на сол од организмот,кој е продукт на нивниот систем за варење.
- Како да го спречите кивањето? Иако не е целосно докажано, но обидете се да дишете од устата,а со прстите затворете го носот.
