Изразот е изведен од грчкиот збор “chairo”, што значи да се радуваш, а лицата кои патат од оваа фобија имаат страв од учество во било што, што е забавно. Ним не им се страшни сами активности, туку стравуваат дека ако се препуштат на таа среќа и безгрижност, нешто лошо ќе им се случи.
Черофобијата не е широко распространета и тој страв не е официјално признат како ментална состојба која бара лекување. Меѓутоа, некои медицински стручњаци сметаат дека черофобијата всушност е вид на акнсиозност, односно слична состојба која се однесува на страв од уживање која се нарекува хедонофобија.
Лицето кое пати од черофобија не е постојано тажно, туку едноставно избегнува случувања и активности кои би можеле да го усреќат или да му причинат задоволство.
Според стручњаците, овие се симптоми на страв од среќа:
- Анксиозност кога сте повикани на некое социјално собирање.
- Пропуштате прилики кои би можеле да доведат до позитивни животни промени од страв дека нешто лошо ќе се случи.
- Одбивате учество во “забавни“ активности.
- Мислите дека нешто ќе се случи ако сте среќни.
