Резултатите од истражувањето покажале дека гојазните личности кои не јадат чоколадо се во поголема опасност од срцеви заболувања, па така и од срцев удар.
Претходните истражувања го поврзувале темното чоколадо со одржувањето на здравјето на срцето благодарение на антиоксидативните својства, со помош на сузбивање на лошиот холестерол во организмот, подобар проток на крв, намалување на крвниот притисок и превенција од крвни згрутчувања.
Текот на истражувањето
Бостонските истражувачи испитале 148 465 ветерани кои учествувале во програмата „Милион ветерани“ во која се следела нивната здравствена состојба во одреден временски период. Просечната возраст на испитаниците изнесувала 64 години, а 90 проценти биле мажи. Никој од нив немал коронарна болест на почетокот на истражувањето. Испитаниците морале да одговорат на тоа колку четсо јадат темно или млечно чоколадо, без додатоци како лешници или карамел, а нивните прехранбени навики истражувачите го следеле две и пол години.
Околу 4 000 испитаници развиле коронарна болест за време на периодот на тестирање.
Резултат: Гојазните луѓе би требало да јадат повеќе чоколадо!
Чоколадото не влијае исто и на луѓето со здрав индекс на телесна маса или врз оние кои се потхранети. Иако оваа поврзаност сè уште не е сосема разјаснета, научниците претпоставуваат дека позитивното влијание на чоколадото врз ризикот од коронарна болест може да биде видлив само кај гојазните луѓе токму од причина што тие генерално се во поголема опасност од истата, па и најмал ефект е од голема помош.
