Лековити својства
Тиквичките лесно успеваат, а најмногу им одговара исончана, плодна и хумусна почва. Мај е почеток на сезоната на тиквички, која трае до јули, а со редовната берба се поттикнува формирање на нови цветови и оплодување, со што се зголемува приносот.
Тиквички за здравје
Преполни се со хранливи материи, а содржат малку калории, поради што се сметаат за одлична намирница за слабеење, бидејќи даваат чувство на ситост по исполнување на желудникот.
Тие се одличен извор на витамини Б и Ц, калиум и манган, а жолтите тиквички се богати со бета каротен. Повеќето вредни супстанции се наоѓаат во кората, која не треба да се лупи кај младите плодови
Со секојдневното консумирање на тиквички организмот се храни со диетални влакна, кои ги чистат цревата од токсините, го поттикнуваат варењето и го спречуваат запекот. На тој начин се намалува апетитот, веројатноста од појава на рак и се контролира шеќерот во крвта.
Соединенијата кои се содржани во тиквичките го намалуваат холестеролот и здравјето на кардиоваскуларниот систем, а со тоа се намалува и ризикот од мозочен и срцев удар, и атеросклероза.
Фитонутритиентите од тиквичките ги намалуваат симптомите на зголемена простата, а поради висока содржина на манган поволно делуваат на сите функции на телото. Исто така, тиквичките ја забрзуваат синтезата на холестерол и масни киселини, го подобруваат метаболизмот на јаглехидрати и протеини и го поттикнуваат либидото.
Некои од придобивките по здравјето на тиквичките се зголемување на нивото на енергија, намалување на холестеролот, спречување на болести на простатата, чување на здравјето на фетусот, антивоспалително дејство, помош при слабеење, чистење на цревата од отрови, подобрување на варењето на храната и здравјето на кожата.
