Можеби добро се грижите за вашето здравје, односно се храните правилно и редовно практикувате физичка активност, но сепак постои нешто за што не сте ни свесни, а му штети на здравјето. Доколку сепак имате проблеми и покрај добриот начин на живот, она што можеби го пропуштате е вашето домаќинство и секојдневните предмети во него. Можеби звучи лудо, но некои од нив сoдржат многу токсини кои се штетни по здравјето, па треба да бидете внимателни.
Погледнете кои работи во домот се штетни за вас и како да го зачувате вашето здравје:
Иверица
Во што е опасноста: Иверицата и пилевината, залепени заедно со уреаформалдехидни смоли претставуваат отров кој го напаѓа респираторниот тракт, очите и може да предизвика сериозни болести како рак кај животните. Ризикот се зголемува ако мебелот е стар, бидејќи новиот мебел е регулиран со други стандарди. Што може да направите: Проверете ги сертификатите на производите. Според европските стандарди, дрвените материјали мора да бидат класа не повеќе од Е1.
Тепих
Во што е опасноста: Лепилата и боите кои се користат во правењето теписи, испуштаат испарливи органски соединенија кои може да предизвикаат главоболки, алергии, замор и сл. Што може да направите: Ако купувате нов тепих, дајте им предност на природните материјали. Избегнувајте големи теписи за да може полесно и потемелно да ги чистите.
Ласерски принтер
Во што е опасноста: Истражувањата покажале дека ласерските принтери испуштаат во воздухот многу мали парчиња од тонерот кои влегуваат во белите дробови. Како резултат на тоа, се појавуваат различни белодробни и кардиоваскуларни заболувања. Што може да направите: Ако мора да имате ласерски принтер во домот, ставете го во просторија која постојано се проветрува.
Шише за бебиња
Во што е опасноста: Поликарбонатска пластика е најчестиот материјал за овој тип на производи. Пластиката направена со користење на хемикалија наречена „бисфенол А“ има структура која е многу слична на естрогенот, па затоа е наречена „уништувач на хормони.“ може да предизвика сериозни хормонални наршувања во детското тело. Што може да направите: Барајте шишиња направени од безбедни материјали и проучете го составот пред купување.
Душек
Во што е опасноста: Многу душеци имаат високо ниво на полибромиран дифенил во составот, а здравствените проблеми поврзани со зголемено ниво на ПБДЕ вклучуваат мозочни оштетувања, намалена репродуктивна функција и проблеми со тироидата. Што може да направите: Старите душеци најверојатно содржат штетни материи, па ако вашиот не сте го промениле долго време, сменете го со нов и дајте им предност на производите направени од природни органски влакна.
