Печурките со години наназад се и храна и лек. Важат за едни од најздравите продукти во исхраната на човекот и се препорачуваат на менито барем три пати во неделата. Во себе содржат многу важни состојки, имаат антивоспалително дјество, влијаат врз зајакнувањето на имунитетот, а имаат и антиканцерогени својства.
За вегетаријанците и веганите, печурките се исклучително важна замена за месните производи поради количеството на протеини што го содржат во себе. Но за да внесете доволно протеини, наместо месо треба да изедете околу 200 грама печурки заедно со брокули и пченка. Свежи или варени, шампињоните се добар извор на растителни влакна. Содржат повеќе витамини, како што се Д, Б, А, Е и многу калиум, фосфор, железо и други елементи кои се потребни за човечкиот организам. Печурките се богати со хранливи материи и докажано е дека со нивното консумирање се намалува ризикот од срцеви заболувања, како и ризикот од Алцхајмерова болест за дури 70 отсто.
