Нутриционистите препорачуваат секојдневно да се консумира по половина црно чоколадо, и тоа во текот на денот, затоа што во прашање е висококалоричен производ кој не прави поенергични и попродуктивни.
„Ако јадете темно чоколадо со удел на какао од најмалку 50 отсто, тогаш просечната количина што треба да се консумира на дневно ниво е околу 50 грама. Доколку се бавите со потешка физичка работа или спорт, може да внесете и повеќе“, смета проф. Алексеј Буверов, од московскиот иниврзитетот Сеченов.
Темното чоколадо е здраво и содржи поголема концентрација на какао и други полезни компоненти.
„Сега го проучуваме и ефект врз нивото на холестеролот во организмот. Затоа што покрај тоа што чоколадото содржи масти, содржи и флавоноиди кои ги намалуваат нивоата на холестерол“, објаснува проф. Буверов и додава дека црното чоколадо во себе содржи и компоненти што го заштитуваат црниот дроб, но предупредува дека може лошо да влијае на панкреасот, па затоа препораката е да не се претерува со консумацијата.
