Човекот одржува стабилност и исправна положба на телото благодарение на коските кои ги штитат внатрешните органи, кои имаат важна улога во создавањето на црвени крвни зрнца и во јакнењето на имунитетот. Нив ги поврзуваат зглобовите кои на краевите имаат ‘рскавица, а се споени со зглобна капсула во која има течност. По некоја повреда или скршеница, коските се обновуваат, но не и ‘рскавицата. Нејзиното пропаѓање доведува до стареење на зглобовите.
Освен зглобовите и ‘рскавицата, потпорното ткиво е составено и од колагени кои се најзастапени протеини во организмот. Тие поврзуваат одредени коски и зглобови, градат заштита околу органите и меѓусебно ги одвојуваат, ја поврзуваат кожата со структурите под неа, ги покриваат мускулите, ги обложуваат и штитат крвните садови и нервите…
Човечкиот организам постојано создава колаген, но со стареењето се намалува капацитетот за негово обновување. Во младоста колагенот брзо се надополнува, а по 25-тата година од животот, телото годишно губи по околу 1,5 % од колагенот.
Недостигот на колаген негативно се одразува на функциите на целото тело и доведува до разни дегенеративни промени на коскениот и мускулниот систем како што се артритис, вкочанетост, повреда на мускулите, нарушување на функционирање на имунитетот, целулит, сува кожа…
Зглобовите кај жените се поопуштени од кај мажите, поради што се смета дека на жените почесто им пропаѓа ‘рскавицата и почесто заболуваат од остеопороза. Оваа болест не дава никакви предупредувања и како први симптоми се јавуваат скршеници на колк, подлактица…
