Коронавирусот на човечката кожа е активен девет часа, пет пати подолго од вирусот на грип, утврдиле јапонските научници, а нивното откритие повторно укажува на потребата од често миење на рацете за борбата против пандемијата со КОВИД-19 биде што поефикасна.
За споредба, патогенот кој предизвикува грип на кожата преживува околу 1,8 часа, покажале резултатите објавени во септември во списанието Clinical Infectious Diseases.
“Деветчасовното преживување на SARS-CoV-2 на кожата на човекот, сој на вирус кој предизвикува КОВИД-19, може да го зголеми ризикот од негово пренесување преку контакт во споредба со вирусот на грип тип А, така влијаејќи на ширењето на пандемијата“, предупредуваат јапонските научници.
Во својата студија, тие тестирале примероци на кожа земени за време на обдукциска постапка, еден ден по смрта на пацинетот. И коронавирусот и вирусот на грип се инактивираат во рок од 15 секунди со примена на етанол кој се наоѓа во средствата за дезинфекција на раце.
