И покрај бројните здравствени придобивки, често наидуваме на предупредувања за големата количина на масти во јаткастите плодови, кои би можеле да ја загрозат нашата цел доколку сме решиле да се ослободиме од вишокот на килограми. Она на што треба да се обрати внимание е дека во овој случај се работи за здрави масти, кои се дел од групата на полинезаситени масни киселини и се многу поздрави во однос на другите видови маснотии. Освен тоа, здравите масти имаат способност за намалување на лошиот холестерол.
Влијанието на јаткастите плодови врз телесната тежина
Јаткастите плодови не предизвикуваат дебелеење, а тоа го докажува и истражувањето спроведено од Универзитетот Лома Линда и од Меѓународната агенција за истражување на канцер (IARC).
- Јаткастите плодови се богати со селен и витамин Е, познати се како силни антиоксиданти и штитат од негативните влијанија на слободните радикали и на тој начин го успоруваат процесот на стареење
Во истражувањето учествувале повеќе од 370 000 луѓе од Европа, од 25 до 70 години, кои веќе биле вклучени во големото европско истражувања за канцер и исхрана, кое траело пет години. Во истражувањето биле користени пет вида на јаткасти плодови: ореви, бадеми, лешници, ф’стаци и кикиритки.
Резултатите од истражувањето покажале дека редовната консумација на јаткастите плодови е поврзана со намалување на телесната тежина и помал ризик за развој на прекумерна телесна тежина. Освен ова, докажани се уште некои здравствени продобивки од консумирање на јаткастите плодови, како што е подобро памтење, забавување на процесот на стареење (откриено кај постарите испитаници) и 5 % помал ризик за дебелеење.
Во прилог е табелата на нутритивни вредности на 100 г јаткасти плодови:
Зошто треба редовно да ги има на вашата трпеза?
Има голем број причини зошто јаткастите плодови треба да бидат составен дел од вашата исхрана: богати се со селен и витамин Е, познати се како силни антиоксиданти и штитат од негативните влијанија на слободните радикали и на тој начин го успоруваат процесот на стареење. Исто така, содржат многу калциум, кој е неопходен за здрави коски и магнезиум, кој е потребен за апсорпција на калциумот. Бројни истражувања докажаа дека секојдневното консумирање на јаткасти плодови ја намалува веројатноста за срцеви заболувања дури до 35 %.
