Оваа појава главно се врзува за ментруалниот циклус – еден или два дена пред и после менструација, кафеавиот секрет се смета за нормален. Се јавува во оваа боја затоа што во прашање е крв која тече полека или се помешала со воздух.
Уште една причина за кафеав исцедок можат да бидат и таблети за контрацепција.
„Ако користите таблети кои ослободуваат само прогестерон, за очекување е необичен секрет“, објаснува д-р Памела Беренс, професор по акушерство, гинекологија и репродуктивни науки на Универзитетот Тексас, за Women’s Health.
Темниот секрет може да биде последица и на ниско ниво на естроген во телото, но повторно е врзан за менструалниот циклус. Но ако кафеав секрет се јавува надвор од менструален циклус и кај жени кои не користат таблети за контрацепција, тогаш може да биде симптом на нешто сериозно.
„Неочекувано крвавење, обилно или во траги, може да биде знак за рана, но проблематична бременост – спонтан абортус или вонматерично зачнување, па ако се сомневате на бременост, а забележувате ваков секрет, појдете на лекар што поскоро“, советува д-р Беренс.
Ако имате нередовни циклуси и забележувате крвавење во траги (точки) после сексуален однос тоа може да упатува на габична инфекција или полово пренослива инфекција, дури и на недијагностициран синдром на полицистични јајници.
Уште една од сериозните состојби на кои може да упатува кафеавиот секрет се полипи на матка или грлото на матката, израстоци кои обично се гледаат кај жени постари од 35, но се главно бенигни. Сепак, во секој случај треба да се постави точната дијагноза, ако е потребно, и начинот на лекување.
Што и да мислите дека ви се случува, препорачува д-р Беренес, за кафеавиот секрет кажете му на вашиот гинеколог.
„Вашиот лекар можеби ќе утврди дека кафеавиот секрет за вас е нормален, но мошне е важно тоа да го напоменете за да се утврди“, заклучува д-р Беренс.
