Сакате да пиете кафе и чај? Не можете да го замислите утрото без еден од овие два напитока? Всушност станува збор за здрава навика – антиоксидантите во црниот чај (теафлавини) и зелениот чај (катехини) го намалуваат ризикот од срцеви болести, шеќерна болест, па дури и карцином, додека антиоксидантите од кафето го намалуваат ризикот од дијабетес тип 2, кардиоваскуларни болести и невродегенеративни заболувања (Алцхајмерова и Паркинсонова болест).
Истражувања покажале дека личностите кои пијат чај и кафе имаат за 20 до 30 отсто помал ризик од рана смрт во однос на личностите кои не пијат ниту еден од овие напитоци.
Сепак, она на што треба да посветите внимание е да не претерате со кофеинот – препорачаната горна граница изнесува 400 мг дневно. Исто така, би требало да одбегнувате да пиете кафе доцна попладне доколку навечер имате проблем да заспиете или ноќе не спиете добро.
