Петок вечер е, викендот е пред вас, време за опуштање и понекоја чашка алкохол повеќе. Без разлика дали сте испиле чашка, два или сте претерале минатата ноќ, кафето наутро нема да ви биде од голема корист, покажало последното истражување.
Иако повеќето од нас веруваат дека кафето отрезнува, тоа не е случај после пијанство, затоа што тогаш кафето навистина нема големо влијание врз нашите когнитивни способности. Професорот Тони Мос од лондонскиот универзитет „South Bank“ тврди дека кафето на ниту еден начин не го намалува количеството на алкохол во крвта.
Во емисијата „Food Unwrapped“ на Канал 4 тој открил дека можеби ќе се почувствувате побудни, но координацијата на вашите очи и раце, како и другите моторни вештини, ќе останат „успорени“ под влијание на алкохолот.
Заклучокот на истражувањето бил дека „единствена работа којашто може да не отрезни е времето“. Објаснил дека на организмот му се потребни отприлика три часа за да разгради една чаша вино, а за пиво се доволни два часа.
