Во светот, одредени држави се одлучуваат на намалување на мерките за заштита од коронавирусот, но тука веднаш се создава прашање и за големиот ризик од нов бран на заразата, јавува д-р Роберт Редфилд од Американскиот центар за контрола и превенција на болести. Тој смета дека тој втор бран може да биде многу поопасен и додава дека нападот на вирусот идната зима може да биде уште потежок од ситуацијата во која моментално се наоѓаме, бидејќи ќе се случи за време на траењето на сезоната на грип.
Многу стрчњаци се согласуваат со ова мислење, а еден е и од подрачјето на инфектологијата, д-р Амеша Адаља кој вели: “Ова е вирус кој се шири и нема да исчезне без вакцина“.
Важно е да се разликува вториот бран од вториот пик на заразата, бидејќи не станува збор за исти поими.
“Замислете почеток на плажа. Бранот доаѓа и по пикот се спушта долу и се прекршува од плажата – тука стручњаците гледаат нависоки бројки кои почнуваат да опаѓаат. Втор бран? Буквално замислете го како втор бран, доаѓа по првиот, не се дига долго високо, но и натаму постои и ја менува формата“.
Споменатото зависи од успешноста на спроведувањето на мерките за заштита, како хигиена и социјално дистанцирање. Тоа сигурно ќе ја намали заканата на вториот бран, но без контрола и понатамошно тестирање, не може да се очекуваат чуда.
“Единствено во тој случај имаме можност да изолираме случаеви и да воведеме најдобро можни мерки на заштита како би доживеале забележлив пад“, нагласува д-р Пол Винер и додава дека тоа е правилниот пат до попуштање на мерките.
Без тестирање и социјално дистаницирање, попуштањето на мерките ќе го зголеми ризикот за лицата кои немаат имунитет да дојдат во контакт со заразата.
Се уште е прерано точно да се одреди патот на движење на овој вирус, смета д-р Адаља, и верува дека вториот бран ќе настапи наесен, кога почнува и сезоната на грип. Предупредува дека лек дотогаш нема да има, дури и во најдоброто сценарио.
Тој втор бран, во комбинација со грипот би можело да биде голем предизвик за системот, додава тој.
“Не сме сигурни дали грипот е почест во есен или во зима, но знаеме дека тоа е време кога многу луѓе се собираат, студено е и мокро, па може да има влијание“, смета д-р Винер.
Урвиш Пател, лекар и стручњак на подрачјето на неврологијата во Њујорк, не е сигурен дека ќе дојде до втор бран, бидејќи САРС и МЕРС не се однесувале така, но сепак смета дека мора да бидеме подготвени на сите исходи, и да веруваме во превенцијата и мерките на претпазливост.
Луѓето не можат да се држат во изолација една година, сметаат лекарите, како поради економското, така и поради психичкото влијание, но социјалното дистанцирање секако треба постојано да се спроведува додека не се стекне имунитет или не се произведе вакцина, а за тоа се потребни најмалку шест до 12 месеци.
