Пред се, најважна е хигиената на рацете – често мијте ги рацете и избегнувајте со раце да ги допирате очите, носот и устата. Во време на епидемии особено одбегнувајте да користите телефони и компјутери на кои работат повеќе луѓе, а доколку не сте во можност почесто мијте ги рацете со сапун или редовно правете дезинфекција со хидроалкохолен гел.
Паметните телефони, исто така, претставуваат легло на микроби и можат да бидат вистински извор на зараза доколку имаме обичај повремено на другите да им го даваме телефонот за да видат некое видео или некоја фотографија. Истото важи и ако некој друг ни го подаде својот телефон за да видиме нешто интересно. Се проценува дека околу 30 % од бактериите и вирусите во таа прилика се пренесуваат на рацете, а потоа, често несвесно, со прстите ги допираме очите, носот, устата.
Повеќе пати во текот на дено проветрувајте ги просториите во кои престојувате, на 5 до 10 минути. За да го освежите воздухот во просторијата можете да користите и домашен спреј со етерични масла кои имаат антивирусно дејство, на пример, чајно дрво, рузмарин, еукалиптус, лимон, цимет...
Одбегнувајте контакти со лица кои веќе се заболени од грип или се жалат на симптоми слични на првите знаци на грип. За време на епидемиите инаку се препорачува при контакт со други лица да се држиме на растојание од 2 метри.
Она што уште можете да го направите за себе е во текот на зимскиот период да консумирате додатоци во исхраната богати со витамин Ц и цинк, како и ехинацеа и прополис, со оглед на тоа дека овие состојки поволно влијаат на имунитетот. Во исхраната, исто така, користете зачини со докажани антивирусно дејство како што се лук, куркума, цимер, анасон и каранфилче.
