Наглиот пораст на температурите и жештината за многумина во комбинација со сончевата светлина може да биде рецепт на главоболка. Ова се неколку совети, кои ги препорачува германскиот Институт за главоболки со кои може да спречите ваков тип на главоболка.
Носете очила за сонце
Силната сончева сбетлина ги надразнува мозочните нерви. Тоа може да предизвика главоболка, но да биде и тригер за појава на мигрена. Од тие причини, носењето очила, е препорачливо. Исто така е важно да се носи шешир или капа, за да крвните садови и нервите на челото се заштитат од директна изложеност на сончевите зраци.
Вода и солени грицки
Кога се потиме, телото губи течност и важни минерали. Се зголемува протокот на крв во кожата и се намалува крвниот притисок, што кај некои лица може да предизвика главоболка. Од тие причини, при повисоки температури се препорачува консумирање на најмалку еден литар вода плус од вообичаеното дневно пиење. Грицкањето солени грицки, помага да се надоместат потрошените минерали.
Аклиматизирање
Големата температурна разлика помеѓу надворешниот воздух и оној од затворен климатизиран простор е потенцијален тригер за главоболка. Ако разликата е поголема од пет степени, се препорачува облекување на дополнителен слој на облека за телото да се стопли се додека не се аклиматизира на пониска температура.
Помалку парфеми и мириси
Мирисите подобро ги чувствува,е кога е топло, па лицата кои страдаат од мигрена ќе бидат дополнително чувствителни на тоа. Затоа бирајте лосиони за тело без мирис.
Бавно пиење студени напитоци
Нешто што е многу студено кога ќе дојде во устата, може да доведе до појава на т.н. “brain freeze“ или сладоледна главоболка. Од тие причини студената храна и пијалаци треба да се консумираат побавно.
