Дали знаете дека со одење можете да потрошите еднаков број калории, како и со трчање, но само ако малку го забрзате темпото на вообичаената прошетка?
„Со брзо одење може да потрошите еднаков број калории како и со трчање“; вели персоналниот инструктор Мишел Стентен.
Да речеме, ако одите со брзина од околу 7 километри на час четириесетина минути ќе согорите отприлика ист број калории како некој кој трчал со брзина од околу 10 километри на час. Со брзо одење можете да ја поправите линијата, но и општата здравствена состојба. Нешто побрзо одење од вообичаеното темпо го намалува ризикот од смрт, особено од кардиоваскуларни и респираторни болести, покажала студијата спроведена на Универзитетот во Глазгов направена во почетокот на оваа година.
Одењето со брзина од околу 7 километри на час е брзо и тоа темпо е прилично интензивно, но можете да го постигнете и тоа ако постепено работиете на издржливоста. Еве како може да се постигне тоа:
Водете сметка за држењето. Кога се исправувате се зголемува растојанието меѓу колковите и ребрата, што дава повеќе простор за чекорење, отколку кога сте подзгрбавени.
Гледајте право. Не гледајте во стапалата или патот пред себе. Погледот нека ви биде насочен во точка на растојание од околу шест метри. Рамената повлечете ги наназад, така што градниот кош убаво ќе се отвори, за да можете да дишете длабоко.
Рацете движете ги побрзо од вообичаено. Лактите свиткајте ги под агол од 90 степени и движете ги рацете напред – назад, така да го следат темпото на вашиот од. Ако рацете ви се испружени покрај телото или ги прекрстите на градите, ќе ви биде потешко да го задржите темпото и побрзо ќе се уморите.
Правете помали чекори, тоа ќе ве забрза. Како да знаете колкав треба да биде чекорот? Во стоечка положба едната нога завиткајте ја во коленото и поткренете ја во висината на колкот, така што стапалото ќе ви виси покрај коленото на ногата на која сте потпрени. Потоа испружете ја ногата и петата спуштете ја на земја. Би требало да се десетина-петнаесет сантиметри од стапалото на кое стоите, и токму толкав треба да ви биде чекорот.
Одете во интервали. Ако не можете долго да одите брзо, ова ќе ви помогне. Одете да речеме 10 секунди најбрзо што можете, а потоа 20 секунди со средно темпо, и обидете се така да издржите пет минути за почеток. Овие интервали не само што ќе ја зголемат брзината со која одите, туку ќе ви помогнат да продолжите да согорувате калории и откако сте завршиле со вежбањето.
Како ќе добиете рутина, еве план за тренинг после кој ќе продолжите да согорувате калории со забрзано темпо и во следните 24 часа:
Загрејте се одејќи со умерено темпо околу три минути. Умереното темпо значи дека можете да водите конверзација без проблем.
Забрзајте до силно темпо во текот на следните 30 секунди. Кога одите со ова темпо се движите прилично брзо и тешко ви е да зборувате во цели реченици.
Одете многу брзо 20 секунди, но одберете темпо кое ќе можете да го издржите цели 20 секунди. (Можеби ова ви делува смешно, затоа што мислите дека може да се издржи што било што трае 20 секудни, но пробајте.)
Следните 10 секунди одете најбрзо што можете, со сета сила.
Повторувајте ги овие 30-20-10 интервали во траење од четири минути, со пауза од една минута за опоравување во која ќе одите со умерено темпо.
Предизвикувајте се самите себе. Бројте ги чекорите кои ќе ги направите во текот на овие интервали и обидете се секој следен пат за истото време да направите чекор повеќе. Тоа ќе ве мотивира и ќе ви помогне да ја подобрите издржливоста.
