Сите знаат дека маслиновото масло е една од најздравите намирници на светот, но малку кој знае како да разликува природно маслиново масло од мешавини на различни масла, во кои е додадена зелена боја.
Кога станува збор за маслиново масло, треба да се обрне внимание на мирисот, видот на пакувањето и најважно, вкусот.
Изненадувачки, бојата или одразот што екстра девственото масло го има во однос на светлината, не игра никаква улога бидејќи и мешавината на сончогледово или соино масло со маслиново масло ќе поприми зелена боја, а ќе го промени и мирисот и вкусот. Потпрете се на своите сетила и испробајте го маслиновото масло пред да купите лажни мешавини. Мирисот на маслиново масло може да ве потсети на мирисот на трева, овошје или разни билки, а најважно сетило за препознавање на вистинското маслиново масло сепак е вкусот.
Постои и едноставен метод за проверка на мирисот и вкусот. Ставете маслиново масло во стаклена чаша. Со едната рака поклопете ја чашата, а со другата држете ја цврсто чашата, за да се загрее маслото. Држете барем една минута, потоа тргнете ја раката и помислирајте. Ако почувствувате мирис на овошје или јаткасти плодови, на пример домат и бадем, или интензивен мирис како рукола, значи дека станува збор за квалитетно и чисто масло. Од друга страна, ако почувствувате мирис кој потсетува на восок, вино (односно оцет) или наутрален мирис, значи дека се работи за мешано масло, односно тоа не е природно маслиново масло.
После тоа, напијте се малку масло, задржете го кратко во уста па проголтајте. Ако има интензивен вкус, како билка, тоа значи дека маслото е чисто. Исто така, ако се закашлате додека го пробувате маслиновото масло, значи дека се работи за екстра квалитетно масло, бидејќи горкото масло го надразнува грлото.
