Првата асоцијација на медитеранскиот начин на исхрана се маслинките и маслиновото масло. Речиси е невозможно да се набројат сите здравствени придобивки од овие две намирници, кои се неопходни во исхраната, но и во нега на кожата.
Маслото зависи од различните сорти на маслинки, а фактори кои влијаат се: големината на маслинките, односот меѓу плодот и коската, количината на масло, зрелоста, температурата на пребработка (колку е пониска, толку маслиново масло има побогат мирис и вкус). Еве што друго треба да знаете во врска со маслиново масло:
– Маслиновото масло спаѓа во пожелен извор на масти во секојдневната исхрана.
– Поради големиот процент на олеинска киселина – од 55 до 83 проценти – е лесно сварливо. Месото на маслинките содржи дури 30 проценти масло.
– Дури 90 отсто од одгледуваните маслинки се преработуваат во маслиново масло, а постојат повеќе од 2.000 познати видови на маслинки.
– Кога се вели дека маслиновото масло е чувар на здравјето, се мисли на екстрадевствено масло кое се добива со едноставно пресување и филтрирање на здрави маслинки.
– Научно е докажано дека една лажица маслиново масло на празен стомак содржи концентрација на олеокантал кој има антивоспалително дејство слично на ибупрофенот.
– Како и маслиновото масло, и листовите на маслинките се користеле како лек, посебно за дигестивниот систем, но брзо паднале во заборав поради горчливиот вкус.
– Самиот екстракт од листови на маслинки има поволен ефект при зараснување на повреди, што говори во прилог на тоа дека помага при обнова на ткивото по инфекции.
