Со помош на овој трик ќе постигнете здрав одмор во текот на ноќта, а ќе ви помогне и да запловите во царството на соништата за само две минути. Препораката доаѓа од американската воена служба, а за да станете експерт во примената на овие совети, како што тврди спортскиот тренер Лојд Бен Винтер, ви се потребни околу шест недели. Тој во својата книга наведува дека процесот се одвива во два мали чекори – прво, во потполност испразнете го умот. Тоа може да го направите со опуштање на мускулите на лицето, вклучително и јазикот, вилицата и мускулите во пределот на очите. После тоа опуштете ги рамената потоа и горниот, па на крајот и долниот дел од рацете. Дишете, додека ги опуштате градите, потоа нозете.
Откако ќе ги опуштите мускулите на целото тело замислувајте некоја од следните три ситуации:
- Лежите во кану на мирно езеро додека над вас има само сино небо.
- Лежите удобно во висечка мрежа која се наоѓа во соба во која е потполн мрак.
- Замислете се себеси како одново и одново повторувате: не мисли, не мисли, не мисли...
Кога вашето тело е потполно опуштено и кога умот мирува барем 10 секунди ќе заспиете.
Оваа техника може да „запали“ дури и ако не сте во кревет, така што може да послужи како „средство за заспивање“ на долги летови, на пример.
На сите им е потребно доволно количество квалитетен сон за да се биде во најдобра форма следниот ден. На повеќето луѓе им е потребен сон и тоа од шест до девет часа, но тоа зависи од личност до личност.
