Мошне често, се чини, доаѓаме во искушение во доцните вечерни часови да посегнеме по фрижидерот и да се почестиме со вкусна и не баш толку здрава вечера. Посегнувањето по храна во доцните вечерни часови е последица на стрес, кој покренува низа патолошки промени во организмот. Патолошките процеси го попречуваат лачењето на хормонот кој го регулира чувството на глад, но и работата на метаболизмот. Кога ќе се поремети хормоналниот баланс, се менува биоритамот на целиот организам. Со пореметувањето на лачењето на кортизол и инсулин, доаѓа до намалено лачење на два хормона на среќа – допамин и серотонин.
Односот на хормонот на глад и ситост, грелин и лептин, исто така, се менува под влијание на стресот. Овој хормонален дисбаланс го ремети сонот, но и потребата за храна во доцните вечерни часови, што на долги патеки доведува до пореметувања на метаболизмот и дебелина.
Потребата за доцен оброк најчесто се јавува кај женските лица, изложени на преголем стрес. Исто така, потребата за доцни оброци може да се јави и како последица на различни диети, кои подразбираат изгладнување во текот на денот, како резултат на што организмот е изморен и чувствува потреба за храна во доцните вечерни часови.
Симптомите вклучуваат нагли промени на расположението, внесување на повеќе од 25 отсто од потребните дневни калории за време на вечерниот оброк, отсуство на апетит наутро. Главен показател на овие пореметувања во исхраната е фактот дека јадете од досада, без уживање во храната, недостаток на чувство на ситост и засилена потреба за слатки.
Ако пореметувањето на исхраната не е последица на здравствена состојба, туку начинот на живот, со промена на режимот на исхрана и усвојување на неколку здрави навики, упорност и труд, едноставно ќе го смените животниот стил и ќе престанете да уживате во доцните вечери. За да го постигнете ова најбитно е во текот на денот да јадете здрави и квалитетни оброци, богати со сите нутритиенти неопходни за функционирање на организмот. Во таа смисла, најкалоричен оброк би требало да биде појадокот, додека за вечера би требало да се внесуваат протеини и малку варен зеленчук со минимален процент на здрави масти. Заборавете на она правило дека после 18 часот не би требало да јадете, затоа што на тој начин дополнително ќе се изгладнете. Важно е последниот оброк да е 4 часа пред одење на спиење. Освен тоа почитувајте го правилото на 5 оброка, кој се состои од 3 главни оброка и две ужини.
За да се ослободите од оваа лоша навика важно е да го слушате својот организам, усвојте ги споменатите здрави навики и сами градете правилен биоритам.
