Кажете ѝ збогум на доцната вечера

Нутриционистите велат дека после 20 часот не би требало да се консумира храна затоа што таа навечер тешко се вари и многу е поголема веројатноста дека масните наслаги ќе се наталожат.

Колку и да водите сметка за правилата за здрава исхрана, едно од нив најтешко им паѓа речиси на сите, а тоа е, секако, дека после 20 часот не смее да се јаде. Нутриционистите велат дека после 20 часот не би требало да се консумира храна затоа што таа навечер тешко се вари и многу е поголема веројатноста дека масните наслаги ќе се наталожат, така кога часовникот ќе чукне 20 предвид доаѓаат само незасладени чаеви, ако навистина ви е дојдено до витка линија.

Исто така, доцна навечер не би требало да се јаде овошје затоа што тоа го отежнува варењето, може да создаде и вишок желудочна киселина. Јаболката и бананите посебно прават проблем со варењето во текот на ноќта, па би требало да останат резервирани само за претпладневните часови.

Кога е зеленчукот во прашање најголема грешка е навечер да јадете компир кој е мошне калоричен и веднаш ќе се залепи како вишок наслага на телото. Слична калориска вредност имаат и јаткастите плодови, кои многумина имаат обичај да ги грицкаат навечер. Исто така, ова се однесува и на оризот. Иако е добар извор на калории во текот на денот и идеален избор за ручек, оризот ако го јадете доцна навечер ќе ви ја уништи линијата.

Кога ви се јаде нешто слатко обично посегнувате по суво овошје или црно чоколадо, ако сте заговорници на здравата исхрана, овие намирници се идеални како додаток на појадокот за да ви дадат доволно енергија за почеток на денот и да го поттикнат лачењето на хормонот на среќа, меѓутоа доколку ги консумирате навечер тие ќе претставуваат вистинска калориска бомба за организмот.

Затоа доколку навечер почувствувате глад напијте се чаша топол незасладен чај и обидете се поскоро да си легнете за да не станете нервозни. Доколку издржите да не јадете после 20 часот, подолго време, резултатите ќе ве изненадат, а вие ќе бидете презадоволни од линијата.