Сите совети во врска со исхраната на некој начин се поврзани со што поголема консумација на зеленчук, но под услов да не го уништиме со подготовката.
Зеленчукот е многу важен дел од здравата исхрана, но тоа нема да помогне многу ако при приготвувањето го претвориме во нездрав. Веројатно погодувате, најчестиот начин на уништување на хранливите и здрави состојки е премногу долгото готвење. Ако не го подготвувате како вариво, зеленчукот е доволно да го избланширате за да останат што повеќе корисни состојки во него.
Повторното загревање во микробранова печка, исто така, е една од грешките што треба да се избегнуваат, бидејќи на тој начин лесно се распаѓа, а со оглед на фактот што обично загреваме во некои пластични садови, и тие можат да испуштат токсичен бисфенол А во храната и да ја направат многу нездрава.
При подготовката на зеленчук не може да користиме какво било масло, бидејќи, на пример, сончогледовото масло станува токсично при високи температури, па путерот или маслото од кокос се многу подобар избор.
Високите температури општо не се добри во подготовката на оброците. На тој начин ќе ги уништите и антиоксидантите од маслиновото масло, а најверојатно и храната ќе загори.
