Истражувачите од Центарот за проучување на ракот од Сиетл, откриле дека оние кои практикуваат јога се помалку склони на дебелеење. Но, не поради вежбањето, туку поради тоа што ја развиваат свесноста за храна.
Свесното јадење подразбира дека лицето знае зошто јаде и дека ќе престане кога е сито – за разлика од навиките да јадеме и кога не сме гладни или поради надворешните влијанија (друштво, реклами, грицкање покрај телевизор…).
Откако испитаниците пополниле прашалник кој покажува колку се свесни во тек на процесот на јадењето, резултатите покажале дека лицата кои имале највисоко ниво на внимание и свесност додека јаделе, имале и најмал индекс на телесна маса (показател на дебелината).
Вежбањето јога помага во развојот на вниманието и свесноста на сите планови, па и на овој.
