Претходни истражувања укажале на исклучително позитивните ефекти на калинката врз здравјето – зрнцата од калинката содржат антиоксиданти и антивоспалителни состојки, како што се елагинска киселина и танини, кои делуваат благотворно врз кардиоваскуларниот систем, го забавуваат стареењето на клетките и не штитат од вируси.
Најновото истражување покажало дека калинката би можела да помогне и во борбата против карциномот. Имено, молекулите на соединенијата кои се создаваат за време на варењето на калинката се „вградуваат“ во ѕидовите од цревата и со тоа, зајакнувајќи ги природните одбранбени механизми во организмот, не штитат од штетното дејство на токсините. На овој начин калинката меѓу другото помага во борбата против карциномот, и тоа особено колоректалниот карцином.
