Кога ќе се спомене менопауза, на повеќето жени прва асоцијација им се топли бранови (валунзи) и промени на распложението. Но, дали некогаш сте размислувале за тоа како промената на нивото на хормоните влијае на вашата вагина?
Намалувањето на естрогенот во текот на менопаузата кај жените, има големо влијание на физичките промени и во останати делови од телото, особено на вагиналното подрачје. Тие можат да се случат во сите фази на менопаузата: перименопаузата, менопаузата и постменопаузата – од сувост до промени во големината и формата на вагината – и можат да бидат значајни, но се сметаат за нормални.
Вагината станува сува и потенцијално чеша
Естрогенот помага во подмачкување на вагиналните sидови, а со неговото намалување, подрачјето на вагината станува суво. Познато како вагинална атрофија, ова истенчување и сушење на вагиналните sидови може да доведе до други симптоми, вклучувајќи чешање и пецкање. Разговарајте со вашиот гинеколог за можни третмани како што се вагинални хидратантни креми.
Поверојатно е дека ќе крварите во текот на сексуален однос
Бидејќи во текот на менопаузата кожата во вагиналното подрачје станува потенка и покревка, може да дојде до кинење и крварење во текот на сексуален однос. Меѓутоа, почестиот сексуален однос и мастурбација (со вагинална пенетрација) ќе помогне да вагината да биде помалку склона кон кинење, бидејќи го зголемува протокот на крв и влага во таа областа. Ова е уште една причина за одржување на сексуалниот живот во менопауза.
Вагината оже да се намали
Вагината е составена од мускулно ткиво, и како и секој друг мускул, ако не се користи често, може да се намали и да го изгуби тонусот. Недостатокот на секс и тоа како може да го промени обликот на вагината. Најдобар начин тоа да се спречи е да продолжите да имате секс или да мастурбирате (со вагинална пенетрација) за време на менопаузата. Ако е болно, обидете се да користите вагинален хидратантен крем или гел на база на вода, и ако тоа не помогне, посетете лекар.
Вагината е подложна кон инфекции
Пониските нивоа на естроген не само што предизвикуваат истенчување и сушење на вагиналните sидови – тие исто така можат да предизвикаат губење на волуменот на уринарната слузница, што може да резултира со почести инфекции на вагината и уринарниот тракт и почесто мокрење.
Вагината може да добие нов мирис
За време на менопаузата, многу жени забележуваат воден вагинален исцедок со непријатен мирис, што е предизвикано од промена на pH вредноста на вагината. Имено, pH вредноста на вагината станува помалку кисела, што е резултат на пад на нивото на естроген. Ова е вообичаен симптом на менопауза, но ако сте загрижени, разговарајте со вашиот гинеколог.
Вагината може да се растегне
Вагинален пролапс се јавува кога вагината се протега или се шири кон други органи, а за време на менопаузата ова се случува поради намален тонус на мускулите во карличните регии. Некои жени доживуваат полност во вагината, чувство на влечење или притисок во вагиналната област, инконтиненција или болка во долниот дел на грбот, која повеќе се чувствува во лежечка положба. Ако имате некој од овие симптоми, разговарајте со вашиот лекар, кој ќе ви препорача вежби што можат да помогнат или оперативен зафат.
