Во вториот дел од циклусот, откако ќе помине овулацијата, расте нивото на прогестерон, па заради тоа жените стануваат позбунети, потешко наоѓаат зборови и острината на умот им се намалува.
Хормоните имаат големо влијание врз однесувањето на жените.
Во зависнот од тоа во кој дел од циклусот е жената, таа ќе се чувствува или попривлечно или потажно заради што ќе биде склона на мамење и трошење. Без оглед на тоа колку ПМС-от ви оди на нерви едно е сигурно – жените во овој период се попаметни, тврдат научниците.
„После овулацијата жените се порационални и подобро се контролираат, но потоа влегуваат во втората фаза, односно непосредно пред менструацијата кога стануваат поимпулсивни и лесно може да се изиритираат“, објаснува психологот Карен Пајн од Универзитерот Хертфордшир за Дејли мејл.
За време на овулацијата жените се чувствуваат најпосакувани сакаат да покажат дека се поубави и подобри од останатите. Затоа не е невообичаено кога трошат многу пари токму во тој период од месецот. Така еволуциски сакаат да се истакнат и тоа го прават потполно несвесно, односно под влијание на хормоните.
Во тој период се двојно посклони на неверства и афери, а и за време на овулацијата жените јадат и до 500 калории повеќе на ден. Стручњаците веруваат дека причина за ова е фактот дека телото се подготвува за можна бременост и сака да сочува што е можно повеќе масти.
Во вториот дел од циклусот, откако ќе помине овулацијата, се вртат кон романтиката. Тогаш расте и нивото на прогестерон, па стануваат и позбунети, потешко пронаоѓаат зборови и им се намалува острината на умот. За тој период карактеристични се и промените во расположението. Во овој период, исто така, склони се на трошење затоа што на тој начин си „помагаат“, односно полесно се справуваат со интензивните емоции. Жените по правило почесто одат во шопинг кога се под стрес или во депресија затоа што тоа ги развеселува.
Откако ќе настапи менструацијата многу жени се соочуваат со болка со различен интензитет. Кај жените кои имале јаки болки и грчеви забележани се и промени на мозокот. Кај некои буквално некои делови од мозокот се стеснувале, а кај други се зголемувале, некои дури и трајно, се вели во студијата на група научници од Тајван, објавена во стручниот магазин Neurology.
