За новиот коронавирус се уште постојат многу сомнежи: не се знае дали вирусот е ослабен, дали оние кои се опоравиле од него се заштитени или не, дали ќе мутира и каков тип доминира на нашите простори, а каков во остантите делови во светот… Прашање кое сите не интересира е дали, кога и каков ќе се врати вирусот во вториот бран?
Иако во земјава изминативе две недели се бележи раст на новооткриени случаи, сепак се проценува дека не станува збор за втор бран, туку за втор пик кој е забележан и во други земји.
Со оглед дека се уште не постои вакцина, мерките на превенција се клучни за одржување на епидемијата под контрола, а тие мерки, се надеваме сите добро ги научивме!
Да се размислува за втор бран на коронавирусот или КОВИД-19 може да биде многу стресно, но важно е да се фокусира на она кое е во наша контрола во овој момент, објаснува д-р Насиа Сафдар, инфектолог во болницата UW Hospital and Clinics.
Како да се подготвите за вториот бран на новиот коронавирус? Еве неколку насоки од лекарите. Важно е да имате предвид дека ситуацијата со пандемијата многу брзо може да се промени и треба да следат упатствата и насоките на надлежните институции.
- ПРИФАТЕТЕ ГО НОВОТО НОРМАЛНО
КОВИД-19 се уште трае, предупредуваат лекарите. Тие советуваат да не гледате и да не чекате кога “се ќе се врати во нормала“, туку да ја прифатите оваа ситуација како ново нормално за догледна иднина, а тоа подразбира и социјално дистаницрање. Под ново нормално спаѓа и работа од дома, прилагодена работа на рестораните и кафулињата…
- ВАКЦИНИРАЈТЕ СЕ ПРОТИВ ГРИП
Вакцината против грип нема да ве заштити од новиот коронавирус, но ќе го намали ризикот од потенцијално одење во болница поради пропратни симптоми на грип. Гледајте на тоа како на факт дека нема да заземете место во болница кое можеби ќе му треба на некој друг, објаснува д-р Џај Варки, инфектолог од болницата Emory University Hospital.
- ПРОНАЈДЕТЕ НОВ НАЧИН НА ПОЗДРАВУВАЊЕ
Можеби звучи смешно, но д-р Варки предупредува дека мора да пронајдеме нови начини за поздравување со другите луѓе. На многумина им недостасува стегање на раката и пријателска прегратка, но сега е идеална можност да смислите нешто свое или едноставно да дигнете рака и слично.
- ПРАВЕТЕ ГО ОНА ШТО СТЕ ГО НАУЧИЛЕ ПОСЛЕДНИВЕ МЕСЕЦИ
Веројатно веќе сте “докторирале“ на миење раце, како и избегнување на го допирате лицето, но и правилно ставање на заштитна маска пред излегување од дома, како и социјално дистаницрање. Ако дојде до втор бран на коронавирусот, исклучително е важно да ги следите насоките на надлежните здравствени институции, да бидете информирани и упатени.
