Она што е елементарно е дека шишенцето треба да биде стерилизирано и дека капачето од цуцлата треба да се тргне непосредно пред користењето. Додека го храните вашето малечко секогаш внимавајте цуцлата да биде полна со млеко – затоа што колку повеќе воздух голтнат бебињата толку повеќе мака ќе имаат со гасовите и ќе плачат. Постојат повеќе различни позиции за хранење, но она на што треба да не заборавате никогаш е додека вашето малечко цица пожелно е да му зборувате, пеете… Хранењето треба да биде прекрасно искуство и за вас и за вашето малечко. Ако плаче додека му давате млеко, тогаш нешто не е во ред. Ако се обидува да го оттурне шишенцето од себе и често плаче, тогаш можеби постои некој проблем и време е за лекарска помош…
