Тромбозата претставува згрутчување на крвта внатре во крвните садови – примарно вените (понекогаш и артерии) што резултира со прекин на протокот на крв нив крвниот сад, исполнетост на крвните садови со згрутчена крв – тромб, кој главно се лепи за ѕидот на крвниот сад и пречува проток низ истиот, што резултира со отекување на ногата, болка, синило и тежина во ногата, поретко во раката.
ПРИЧИНИ ЗА ПОЈАВА НА ТРОМБОЗА
Бројни се причините за тромбоза: од нарушувања на згрутчување на крвта по болни состојби, пореметување на факторот за згрутчување на крвта, по тумори, пречки во протокот на крв по мирување, намален атмосферски притисок, бестежинска состојба, повреди на крвните садови од надворешна причина, повреда или внатрешна причина, како и зафато низ крвниот сад.
ВЕНСКАТА ТРОМОБОЗА СЕ ДЕЛИ НА:
- Длабока венска тромобоза која ги зафаќа главните вените и претставува опасна состојба со можност за откачување на тромб – згрутчување и доспевање во срцето и белите дробови со предзивникување на белодробна емоболија, која може да биде по живот опасна состојба и една од причините за нагла и изненадна смрт.
- Површинската венска тромобоза најчесто е проследена со воспаление и главно не е опасна состојба (воспаление и црвенило кое е видливо на површинските вени на ногата или рака со нејзино затврднување), а најчесто се подложни болни (проширени вени) на рака, понекогаш по венска инјекција или вадење крв.
ЛЕКУВАЊЕ НА ТРОМБОЗА
Во природата на човечкото тело е природна борба против тромбозата со таканаречената природна тромболитичка активност, способноста на телото да со сопствените крвни фактори првенствено да спречи создавање на тромб, и на крајот и да ги раствори тромбите. Така на почетокот исчезнуваат повеќето мали и непознати тромби, за што обично никогаш не дознаваме.
Третманот на тромбоза е специфичен и бара третман во болница и примена на лекови против згрутчување на крвта при длабока венска тромбоза, а кај површинските воспаленија на вените со тромбоза (тромбофлебитис) е со примена на антиинфламаторни лекови.
ПРЕВЕНЦИЈА
Препораките за превенција од тромбоза првенствено се однесуваат на редовно нормално движење (понекогаш изразено – екстремен и ненадеен напор и спортот може да биде фактор за предизвикување тромбоза), пиење доволно течности, особено во лето, периодични систематски прегледи за да се откријат и контролираат ризик факторите, лекување на болни состојби, познати нарушувања на коагулацијата, тумори, проширени вени.
